سرلیکونه
رسنۍ
سایټ په اړه
ټولې لیکنې
9689
ټول لیدونکې
1130164

ښاغلي باچاخان


2018/14/02

پر سر یې سرې ټوپۍ ته وا غاټول د بیابان دي
لښکرې را روانې د ښاغلي باچاخان دي

 

را ویښ د مرګ له خوبه د بابړې شهیدان دي
چې پښې یې د اتوم د څښتنانو په لړزان دي

 

لګېږي پر تندي د بولهب د ابوجهل
تېره پښتانه غشي بیا را خوشي له کمان دي

 

پرون وې تړمې اوښکې د افغان د یتیمانو
دا نن ترې جوړې ټکې، تندرونه د آسمان دي

 

د جنګ بلا چې ووژني موسکا پر ټولو ویشي
د کرکې نه، د مینې او د امن میَنان دي

 

حکومت سلیماني به بیا د سولې د سپوږمۍ وي
فرمان به یې مني که غرونه غرونه تور دیوان دي

 

باروت باروت فضاء به په خوشبو کاندي بدله
د پرخو لاروي د ګلابونو د کاروان دي

۱۸- دلو- ۱۳۹۶

 

پيرمحمد کاروان

بېرته شاته