سرلیکونه
رسنۍ
سایټ په اړه
ټولې لیکنې
9871
ټول لیدونکې
1426779

ارمان


2018/30/10

                     

غوږ شى ورته واوري دغه ده د پرديسو کيسه

شوه د خاورو لاندې پخوانۍ د معشوقو کيسه

خلک بدل ، کور بدل ، مينه  هم بدله شوه

زخم ناسور شو ، شوه اوږده دا دغمو کيسه

چا به په خلوت کې خپل معبود سره خبرې کړي

نه هغه زاهد شته ، نه تقوي نه د سجدو کيسه

څوک مست په سرو مييو چا د زهرو کنډولي څښلي

دواړه دې بې خوده هيروي خپلو دردو کيسه

کله د جونګړې او مات کټ راته ارمان راشي

بس ده ! ( کوچۍ ) هيره کړه د خپلو ارمانو کيسه

نفيسه کوچۍ

بېرته شاته